Nën akuzën e tentativës për të kontrabanduar qindra flutura të vjedhura dhe bimë endemike në një park të kafshëve të egra në Sri Lanka, një mjek italian 68-vjeçar nga Modena, Luigi Ferrari dhe djali i tij 20-vjeçar kanë përfunduar në prangat e policisë.
Babë e bir ndodhen në arrest shtëpie, me pasaporta të konfiskuara dhe për rrjedhojë nuk mund të largohen nga ishulli, në pritje të gjyqit. Arrestimi daton në 9 maj, por raportohet vetëm këto ditë nga mediat italiane.
Babë e bir ishin me pushime në Sri Lanka. Ferrari, një kirurg i mirënjohur ortoped i specializuar veçanërisht në trajtimin e hallux valgus, i cili punon në klinika të ndryshme private midis provincave të Reggio Emilia dhe Modena, është një fans dhe ekspert i madh i fluturave, aq sa është anëtar i një shoqate entomologjike. Gjatë një ekskursioni në parkun natyror Yala ata kishin kapur shumë insekte, në veçanti flutura.
Por pasi u larguan nga parku, ata u ndaluan nga oficerët e zyrës së ruajtjes së kafshëve të egra Katagamuwa për një kontroll.
Ferrari dhe djali i tij ishin shqetësuar dhe rojtaret u bënë dyshues duke kontrolluar çantat e tyre. Brenda u gjetën 285 insekte të mbyllura brenda dhjetëra kavanozëve, shisheve të qelqit, si dhe gjethe të shumta të bimëve vendase.
Ata u arrestuan për vjedhje dhe kontrabandë. Sipas hetuesve, qëllimi i tyre ishte që t’i çonin në Itali.
Sipas informacioneve të mbledhura, të dy kishin kaluar një muaj në qeli, por tani u është caktuar arrest shtëpie me ndalim absolut për t’u larguar nga Sri Lanka në pritje të seancës që do të mbahet në ditët në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
