Një studim i kryer së fundmi në Universitetin e Kopenhagenit ka zbuluar një efekt anësor të ibuprofenit. Medikamenti që ne e përdorim për qetësimin e dhimbjeve dhe uljen e temperaturës mund të shkaktojë arrest kardiak. Sipas studiuesve, shanset që ky efekt anësor të shfaqet pas përdorimit të tij janë 31 %.
Gunnar Gislason, i cili drejtoi studimin, tha se gjetjet e tij hedhin poshtë mitin se ilaçet e kategorisë NSAID, ku hyn edhe ibuprofeni, janë të parrezikshme. Ai argumenton se kjo është arsyeja pse ilaçe të tilla duhet të shiten vetëm në farmaci dhe doza të vogla (në disa vende të botës ato i gjen edhe në supermarket).
Gislason thotë se ato duhet të jepen vetëm me recetë të mjekut dhe duhet të shmangen nga njerëzit që kanë sëmundje kardiovaskulare.
Studimi është publikuar në “European Heart Journal”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
