Gjykata Ndërkombëtare Penale ka lëshuar një urdhër arresti kundër Presidentit rus Vladimir Putin, se ai është përgjegjës për krimin e luftës të dëbimit të paligjshëm të popullsisë (fëmijëve) dhe transferimit të paligjshëm të popullsisë (fëmijëve) nga zonat e pushtuara të Ukrainës në Rusi.
Përveç Putinit, një tjetër urdhër arresti është lëshuar edhe kundër Maria Alekseyevna Lvova-Belova, komisionere për të drejtat e fëmijëve në Kremlin.
Krimet për të cilat akuzohen janë kryer në territorin e okupuar ukrainas që nga të paktën 24 shkurt 2022.
Lidhur me këtë urdhër arresti ka reaguar Presidenti ukrainas, Volodymyr Zelensky, i cili me anë të një mesazhi në Telegram, e cilëson vendim historik.
Gjykata Ndërkombëtare Penale ka lëshuar një urdhër arresti për Putinin. Një vendim historik, nga i cili do të fillojë përgjegjësia historike.
Do të ishte e pamundur të kryhej një operacion i tillë kriminal pa urdhrin e liderit të lartë të shtetit terrorist.
Dëbimi i fëmijëve në Rusi është një politikë e keqe e shtetit rus që fillon me zyrtarin e parë të këtij shteti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
