Kryesia e Partisë Socialiste është mbledhur pasditen e sotme për të diskutuar mbi zhvillimet e fundit. Në mbledhjen e kaluar të grupit parlamentar, kryetari Rama njoftoi largimin e deputetit Saimir Tahiri nga grupi si edhe lirimin nga të gjitha funksionet në Partinë Socialiste.
Saimir Tahiri ishte kreu i Partisë Socialiste për Tiranën, dhe Koordinator Kombëtar për Bashkëqeverisjen.
Në mbledhjen e sotme të Kryesisë së Partisë Socialiste, do të diskutohet dhe më pas do të vendoset për emrat që do të zëvendësojnë Saimir Tahirin në këto poste.
Ndaj deputetit Tahiri, Prokuroria e Krimeve të Rënda ka nisur hetimet pas përgjimeve të prokurorisë italiane ndaj grupit të Habilajve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
