Një 17-vjeçar është arrestuar nga policia e Durrësit, pasi merrej me shpërndarje të lëndëve narkotike në disa zona.
Në kuadër të goditjes së kësaj veprimtarie të paligjshme dhe pas informacioneve të grumbulluar nga policia, është konstatuar se 17-vjeçari me iniciale G.B. , banues në Durrës shpërndante lëndë narkotike.
Gjatë kontrollit fizik që i është ushtruar këtij shtetasi i janë sekuestruar 11 doza me heroinë dhe një sasi parash prej 52.000 lekësh të përfituara nga shitja.
Materialet i kaluan Prokurorisë së Rrethit Gjyqësor Durrës, për veprën penale "Prodhimi dhe shitja e narkotikëve".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
