Të paktën 38 persona kanë humbur jetën pasi një avion me pasagjerë i Azerbajxhanit u rrëzua pranë qytetit Aktau të Kazakistanit.
Avioni me 62 pasagjerë dhe 5 anëtarë të ekuipazhit në bord u rrëzua të mërkurën pasi u detyrua të bënte një ulje emergjente rreth tre kilometra nga Aktau.
"Situata nuk është shumë e mirë, 38 të vdekur," citoi agjencia ruse e lajmeve Interfax të ketë thënë zëvendëskryeministri i Kazakistanit Kanat Bozumbayev.
Avioni "Embraer 190" ishte nisur nga kryeqyteti i Azerbajxhanit, Baku, në qytetin rus të Grozny në Kaukazin e Veriut.
Zyra e Prokurorit të Përgjithshëm të Azerbajxhanit më herët tha se 32 nga 67 personat në bord kishin shpëtuar.
“Ne nuk mund të zbulojmë asnjë rezultat hetimi në këtë moment. Janë duke u shqyrtuar të gjithë skenarët e mundshëm dhe janë duke u zhvilluar analizat e nevojshme të ekspertëve”, thuhet në një deklaratë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
