Pesëdhjetë vjet më parë, kancelari gjerman, Willy Brandt, u ul në gjunjë për të kërkuar falje për krimet e nazizmit. Brandt e bëri këtë gjest më 7 dhjetor në memorialin e Varshavës.
Kancelari gjerman i asaj kohe, i cili kishte qenë në ekzil për pjesën më të madhe të viteve të nazizmit, qëndroi në heshtje për disa minuta.
Gjesti mbeti në histori si Kniefal von Warshau dhe u kthye në simbolin e pajtimit të Gjermanisë me Poloninë, duke hedhur themelet e marrëdhënieve moderne mes dy vendeve.
Roli i Brandt ishte i rëndësishëm edhe në traktatin që firmosën të dy vendet më pas.
Megjithatë, në atë kohë, nuk ishin të paktë ata që e kritikuan gjestin e Brandt, duke e cilësuar poshtërues për të gjithë qytetarët gjermanë.
Vetë Brandt, i cili ka ndërruar jetë në vitin 1992, ka këmbëngulur gjithnjë se ai ishte një gjest spontan.
Sot, përfaqësues të Gjermanisë dhe Polonisë përkujtuan përvjetorin e këtij gjesti duke vënë kurora lulesh në monumentin në kryeqytetin polak.
“Disa akte mund të kthehen në ikonë që shpreh shumë më tepër sesa fjalët”, tha presidenti Andrzej Duda.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
