Greqia nuk do të lejojë hyrjen e qytetarëve serbë nga 6-15 korrik. Lajmin e bëri të ditur qeveria greke, e cila e ka marrë këtë masë për tëkufizuar përhapjen e koronavirusit gjatë sezonit të pikut të turizmit.
Serbia shpalli gjendjen e jashtëzakonshme në Beograd të premten, duke vendosur disa kufizime për të ngadalësuar përhapjen e COVID-19 pas një rritjeje të numrit të rasteve të reja.
Kufizimi përfshin të gjitha pikat e hyrjes në Greqi.
Greqia, e cila doli nga kriza borxhit në 2018, mbështetet shumë te turizmi për të nxitur rimëkëmbjen e saj ekonomike. Vendi hoqi shumicën e kufizimeve të udhëtimit më 1 korrik, por tha që do t’i rishikojë rregullat shpesh.
"Qeveria, në koordinim me autoritetet përkatëse, vazhdimisht analizon dhe vlerëson të dhënat, në mënyrë që të hapet për vizitorët e huaj pa kompromentuar shëndetin publik", tha një zëdhënës i qeverisë në një deklaratë të dielën.
Deri më tani, Greqia ka arritur të kufizojë përhapjen e virusit në rreth mbi 3 500 raste, duke e menaxhuar krizën më mirë se vendet e tjera të Bashkimit Evropian kryesisht për shkak të izolimit të hershëm mbarëkombëtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
