"Arsyeja pse Gjermania ka kaq pak vdekje në krahasim me numrin e saj të rasteve të konfirmuara mund të shpjegohet me faktin se ne kemi shumë diagnoza laboratorike. Ne bëjmë 500,000 teste çdo javë në Gjermani", tha Dr. Christian Drosten nga Spitali Universitar Charité i Berlinit.
Gjermania është goditur rëndë nga pandemia e COVID-19, me 36 508 raste të konfirmuara, por ka numëruar vetëm 198 vdekje deri më tani - një shifër shumë më e vogël se fqinjët e saj evropianë, siç është Franca apo Italia.
Studiuesit gjermanë planifikojnë të testojnë rregullisht më shumë se 100 000 njerëz për të parë nëse ata janë infektuar me COVID-19 për të ndjekur përhapjen e tij.
Heyo Kroemer, drejtor i Spitalit Universitar Charité, tha se Gjermania filloi të testonte më herët se vendet e tjera. Dr Drosten tha se rrjetet e gjera të laboratorëve në të gjithë Gjermaninë kishin ndihmuar në organizimin e testimeve shpejt dhe në një shkallë të madhe.
Ministria e Shëndetësisë e Gjermanisë ka thënë se do të investojë 500 milionë euro për të zhvilluar lidhjet midis spitaleve dhe laboratorëve.
Ky rrjet do të përdoret gjithashtu për të analizuar të dhënat për të gjithë pacientët COVID-19, në mënyrë që të ndërtojë një bazë të dhënash për prejardhjen e tyre mjekësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
