Avokatja Adriana Kalaja regjistrimin nga SPAK të procedimit penal për shembjet te “5 Maji”, e komenton me gjenocidin që u bë ndaj banorëve dhe shkeljeve ligjore të konstatuara.
Në një intervistë për edicionin e lajmeve të MCN TV, ajo denoncoi se në zonë u zbatua një projekt i vitit 2017.
Sipas saj, është zbatuar projekti për oligarkët në shërbim të Kryeministrit Edi Rama dhe ata që punonin nën urdhrat e kryebashkiakut Erion Veliaj dhe Arbian Maznikut.
Kalaja e cilësoi të papranueshëm faktin që një projekt i vitit 2017 shitet në 2021 si një projekt për banorët e prekur nga tërmeti.
Banorët janë nxjerrë me dhunë dhe gaz lotsjellës. Pati shkelje nga gjithë mënyra si u ndërhy në zonë, se si dolën VKM-të se si u prishën objektet pa një vendim prishje nga bashkia. Prandaj ligji çdo banori që i cenohet e drejta e pronës dhe banesës i jepet hapësira ligjore për ta kundërshtuar.
Ne kemi kërkuar fillimin e ndjekjes penale që nga Edi Rama, kemi kallëzuar ish-zëvendëskryueministrin Ahmetaj, pasi të gjithë këta kishin firmosur VKM që ishin antiligjore dhe antikushtetuese. Përveç faktit që këta njerëz u nxorën në mes të katër rrugëve, pa iu dhënë alternativë banimi. Aty ju zbatua një projekt i vitit 2017.
Stefano Boeri që sot është në ndjekje penale ka bërë një projekt në vitin 2017 për planin e rregullimit të Tiranës, është zbatuar ky projekti për oligarkët në shërbim të Edi Ramës dhe ata që punonin nën urdhrat e Erion Veliajt dhe Arbian Maznikut. Është e papranueshme që një projekt i vitit 2017 na shitet në 2021 si një projekt për banorët e prekur nga tërmeti.
Përveç procedurave që ishin në shkelje të ligjit. Erdhëm në ditën sot ku vetë Gjykata e Posaçme arriti në përfundimin që aty ka shkelje ligjore dhe banorë mund të marrin të drejtat e tyre civile në raport me atë dëm të madh.
Të gjithë drejtorët që kanë ndërhyrë në mënyrë të paligjshme, Mariglen Qato përveç bënte detyrën si kreu i IMT, merrte dhe lekët nga kompania që bënte shembjen.
Për këtë çështje ka dhe procese administrative për disa banorë janë ankuar edhe për vlerën e kompensimit. Se ligji për kompensimin e sanksionon se kompensimi për interes publik duhet të jetë në vlerë të drejtë.
Ata qytetarë që nuk e kanë fituar çështjen këtu, e kanë fituar çështjet në Strasburg, se është një e drejtë kushtetuese jo vetëm e drejta e pronës, por edhe kompensimi i drejtë kur shteti ndërhyn për interes publik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
