Këshilli i Lartë i Prokurorisë zgjodhi ditën e sotme kryetarin e ri, kandidatin e vetëm në garë, Alfred Balla, i cili mbante edhe postin e zëvendëskryetarit.
Balla është zgjedhur nga Kuvendi, si anëtar i Këshillit të Lartë të Prokurorisë si përfaqësues i Shoqërisë Civile.
Anëtari i Këshillit të Lartë të Prokurorisë, Bujar Sheshi tha gjatë mbledhjes se posti i kryetarit, është një detyrë që kërkon përgjegjshmëri të lartë.
E kam lexuar me vëmendje platformën tuaj. Por duhet të përqendroheshit më shumë në të kaluarën e institucionit në angazhimin tuaj, në përmirësimin e tyre. Ju kishit një ftesë për ndryshimet ligjore që KLP duhet ti paraqiste Kuvendit dhe nuk morët asnjë mendim nga anëtarët. Ne kemi bërë një rregullore dhe nuk i keni zbatuar këtë kohë që keni ushtruar këtë detyrë i komanduar. Ndihem i keqardhur se sot mendoja se do kishim një garë.
Nga ana e tij Balla deklaroi se mendon se ka disa karakteristika të cilat e bëjnë të mendojë se i plotëson karakteristikat për postin e kryetarit.
Më pas, mbledhja vijoi me diskutimin dhe miratimin e pikave të tjera të rendit të ditës dhe siç ishte parashikuar, u miratuan unanimisht vendimet si vijon:
-Miratimi i procesverbalit të seancës plenare të datës 18 mars 2022
-Miratimi i projekt-aktit për deklarimin e mbarimit të mandatit të anëtarit të Këshillit të Lartë të Prokurorisë, z. Sandër Beci
-Miratimi i projekt-aktit për plotësimin e pozicionit të Këshilltarit të Etikës pranë Këshillit të Lartë të Prokurorisë përmes procedurës së komandimit si dhe miratimi i Raportit Vjetor të Veprimtarisë së Këshillit të Lartë të Prokurorisë për vitin 2021.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
