Berlini nuk do të vendosë një embargo të menjëhershme ndaj energjisë ruse, pavarësisht mizorive në Ukrainë, thotë ministri gjerman i ekonomisë, Robert Habeck.
Por ai thotë se ekonomia më e madhe e BE-së po punon drejt ndërprerjes së energjisë ruse.
“Ne po punojmë drejt një embargoje, me masa që çdo ditë po e dëmtojnë Putinin. Jemi në një kurs të mirë dhe këtë javë do të bëjmë më shumë progres në atë kurs. Ne po punojmë për pavarësinë nga gazi, qymyri dhe nafta ruse”, thotë ai.
Habeck theksoi se para pushtimit rus të Ukrainës, 35% e naftës gjermane vinte nga Rusia, tani është më shumë se 25%.
Në deklaratat e mëparshme ai ka thënë që nga pushtimi, varësia gjermane nga gazi rus ka shkuar nga 55% në 40%.
Për shkak të vrasjeve civile në Bucha dhe gjetkë në Ukrainë, sanksionet e reja kundër Rusisë do të vendosen këtë javë, tha ai.
Imazhet tronditëse të trupave të civilëve të gjetur të shpërndarë nëpër një rrugë në Bucha kanë shkaktuar zemërim ndërkombëtar. Kremlini vuri në dyshim raportet në lidhje me Bucha të hënën, duke hedhur poshtë të gjitha akuzat për përfshirje ushtarake ruse.
Bashkimi Evropian njoftoi të hënën se ka krijuar një ekip të përbashkët hetimor me Ukrainën për të hetuar krimet e dyshuara ruse të luftës dhe krimet kundër njerëzimit.
Zelensky u tha gazetarëve të hënën se situata aktuale është "çështje e jetës, vdekjes dhe torturës", duke theksuar angazhimin e Ukrainës për gjetjen e atyre që janë përgjegjës për mizoritë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
