Qendra Spitalore Universitare “Nënë Tereza” ka sqaruar gjendjen e nxënëseve të shkollës së Paskuqanit. Ndryshe nga dyshimet që u hodhën dje në sallën e Parlamentit, ku kjo çështje zuri një pjesë të mirë të kohës së seancës, nga analizat e kryera në QSUT del se te nxënësit e paraqitur dje për ndihmë mjekësore nuk janë gjetur gjurmë lëndësh narkotike.
“Analizat e testit të urinës për të gjitha rastet rezultuan negative, pra pa prani të gjurmëve të drograve në gjurmim (për AMP, BUP, BZD, MDA, XTC, MOR/OP, MTD dhe THC (cannabis sativa). Gjithashtu edhe ekzaminimet e tjera biokimike të gjakut rezultuan përgjithësisht në kufij të normës pas asnjë devijancë që të fliste për efekte imediate të një kategorie të gazeve toksike më të mundshme në rrethana të tilla kolektive”, thuhet në reagimin e QSUT-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
