Në Iran , policia ka rifilluar monitorimin e mbajtjes së hixhabit (mbulesës islame) nga gratë në makina.
Këtë lajm e kanë raportuar mediat vendase. Kontrolli vjen pas më shumë se njëqind ditësh protesta të shkaktuara nga vdekja e 22-vjeçares Mahsa Amini cila u arrestua nga policia e moralit për mosmbajtjen e duhur të shamisë.
Policia ka filluar fazën e re të programit Nazer-1 (mbikëqyrje në gjuhën farsi) në të gjithë vendin. Nazer-1 ka të bëjë me mungesën e hixhabeve në makina, me policinë që u dërgon një mesazh me tekst shkelësve.
Mediat ndërkombëtare bëjnë me dije se Gjykata iraniane ka dhënë dy dënime me vdekje për një protestues 18-vjeçar në Mazandaran, raporton agjencia e lajmeve Harana.
Mehdi Mohammadifard, i arrestuar gjatë protestave në Noëshahr, është akuzuar për korrupsion dhe luftë.
Përveç dënimit me vdekje, Gjykata Revolucionare e Sarit e dënoi me shtatë vjet e gjysmë burg për akuzat e “propagandës kundër regjimit”, “nxitje për prishje të sigurisë së vendit”, “fyerje” dhe “krime kundër sigurisë së vendit”.
Të pandehurit iu mohua mundësia për t'u përfaqësuar nga një avokat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
