Gjykata e Elbasanit caktoi masën e sigurisë “arrest me burg” për Nuredin Dumanin i akuzuar për vrasjen e Bujar Çelës, vëllait të Talo Çelës, në 17 shtator 2020 në një lokal në Bradashesh.
Masa iu komunikua tek Spitali i Traumës. Kjo ishte masa e tretë “arrest me burg” për 39-vjeçarin.
Të premten SPAK i komunikoi për vrasjen e vëllezërve Haxhiaj, si dhe të Dorjan Shkoza dhe Anxhelo Avdia, si dhe për ngjarjen e Paprit.
Nuredin Dumani i cili ra në pranga në Fier pas atentatit të ndodhur më 29 mars në aksin Cërrik- Elbasan, ku 37-vjeçari mbeti i plagosur.
Për hetuesit ai ende nuk ka dhënë asnjë detaj për atentatin dhe as për akuzat e ngritura ndaj tij.
Hetuesit dyshojnë se Dumani ka pasur njohje të mëparshme me autorët e sulmit dhe se dëshmia e tij do ti ndihmojë në arrestimin e tyre por edhe kapjen e Talo Çelës.
Mësohet se Dumani edhe në seancën e sotme nuk ka folur asnjë fjalë.
Pritet që në ditët në vijim, në qytetin e Elbasanit të zhvillohet seanca e dytë për të dashurën dhe mjekët që e ndihmuan Nuredin Dumanin në momentin që u plagos në atentatin e tre ditëve më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
