Britanikët shkojnë sot në votime (të enjten më 8 qershor) pas një garë elektorale të nxehtë.
Kryeministrja Theresa May e filloi fushatën e saj për konservatorët me një diferencë të kënaqshme në sondazhet e opinionit, por diferenca në javët e fundit u ngushtua.
Sondazhet më 4 qershor e kanë nxjerrë atë në epërsi me rreth 43 përqind të votave, përballë Laburistëve me 36 deri në 37 përqind.
Fushata u errësua nga terrorizmi pas sulmeve të fundit në Manchester dhe Londër, që la 29 të vdekur dhe shumë të tjerë të plagosur.
Jeremy Corbyn i Laburistëve shpreson se do të triumfojë në këto zgjedhje pas disa vitesh në opozitë.
Debati mbi Brexit dhe e ardhmja e ekonomisë në Mbretërinë e Bashkuar ishte fokusi i debateve të nxehta midis kandidatëve në këto zgjedhje.
Pothuajse 47 milionë njerëz janë regjistruar për të votuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
