Presidenti amerikan, Donald Trump, mohon të ketë bashkëpunuar me Rusinë. Trump nuk e ka kursyer ironinë në lidhje me raportet e fundit, në të cilat flitet për lidhjet e supozuara të tij më Moskën.
Duke iu drejtuar gazetarëve në Shtëpinë e Bardhë ndërsa po largohej për në Luiziana, ai tha: "Nuk kam punuar kurrë për Rusinë".
Ai mohoi një raport të Washington Post, sipas të cilit Trump ka fshehur përkthimin e një takimi me homologun rus, Putin.
Sipas New York Times ndërkohë, FBI ka nisur një hetim për presidentin.
Hetimi i FBI-së
Sipas gazetës, dyshimet e FBI u ngritën pasi Trump shkarkoi drejtorin e saj, James Comey, në maj 2017.
Ai hetim i FBI, raporton New York Times, u vijua nga këshilltari special i departamentit të drejtësisë, Robert Mueller.
Mueller udhëheq një hetim në vijim në lidhje me dyshimin se fushata e Trump ka bashkëpunuar me Kremlinin për të ndikuar në zgjedhjet presidenciale të 2016-s.
I pyetur jashtë Shtëpisë së Bardhë të hënën nëse ai po punonte për Rusinë, Trump e mohoi këtë plotësisht përpara se të shtonte: "Unë mendoj se është një turp që edhe ju bëni këtë pyetje, sepse ky është një mashtrim i madh dhe i pacipë".
Takimi me Putin
Fundjavën e shkuar u raportua se Trump i kishte konfiskuar shënimet përkthyesit të tij pas një takimi me presidentin rus, Vladimir Putin.
Sipas Washington Post, presidenti amerikan urdhëroi përkthyesin që të mos i diskutonte me njeri detajet e asaj që u tha në takim.
Por të hënën, Trump këmbënguli se nuk ndodhi asgjë e jashtëzakonshme gjatë diskutimit të tij gati një orë me Putin, gjatë një takimi në samitin e G20 në Hamburg të Gjermanisë, në korrik 2017.
"Është një lajm shumë i rremë", tha zoti Trump. "Ishte një takim shumë i mirë, ishte një takim shumë i suksesshëm."
Ai tha se me Putin diskutuan mbi Izraelin dhe një tubacion gjermano-rus dhe shtoi se “ne nuk bëjmë takime të tilla gjatë gjithë kohës."
Kryeministri hollandez Mark Rutte tha se është i mërzitur me "elitën e verdhë të bardhë" të Holandës për të kritikuar Presidentin e SHBA Donald Trump, duke vënë në dukje se Trump po vë në dukje me të drejtë disa gabime në një numër organizatash ndërkombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
