Rreth 80 varreza të hebrenjve në Francën lindore janë dëmtuar, njoftuan zyrtarët.
Dëmtimet e varrezave u zbuluan të martën, në prag të marshimeve mbarëkombëtare kundër rritjes së sulmeve anti-semite.
Ngjarja ndodhi në varrezat e fshatit Quatzenheim, në natën ndërmjet të hënës dhe të martës.
Presidenti i Francës, Emmanuel Macron, vizitoi varrezat për të inspektuar dëmin, përpara se të drejtohet në Qendrën e përkujtimit të Holokaustit në Paris.
“Është e rëndësishme për mua të jem këtu sot me ju” tha presidenti Macron para udhëheqësve dhe anëtarëve të komunitetit hebre.
Presidenti Emmanuel Macron ka dënuar abuzimin anti-semit pasi një intelektual i spikatur ishte në qendër të një sulmi gjatë fundjavës..
Policia hyri për të mbrojtur filozofin, Alain Finkielkraut, pasi u fye me kundërshtime antihebraike nga një grup protestuesish "Xhaketat e Verdha" në Paris.
Të dhënat zyrtare kanë treguar se ka pasur një rritje prej 74% të sulmeve antisemite në Francë vitin e kaluar.
Të dhënat e krimit nga Gjermania të publikuara javën e kaluar zbuluan se shkeljet anti-semite ishin rritur me 10% gjatë vitit të kaluar, duke përfshirë një rritje prej 60% të sulmeve fizike.
Kohë më parë Bashkimi Evropian shfaqi shqetësimin, lidhur me rezultatet e një hulumtimi, i cili tregon se nëntë nga dhjetë hebrenjtë evropianë besojnë se antisemitizmi është rritur në pesë vitet e fundit.
Agjencia e BE-së për të Drejtat themelore deklaroi se 85 përqind e të anketuarve besojnë se antisemitizmi është një problem madhor në vendin e tyre, ndërkaq 38 përqind mendojnë se ky problem po largohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
