Një tërmet i fuqishëm me magnitudë 7.1 ka goditur një rajon të largët të Himalajeve në Tibet, duke shkaktuar të paktën 53 viktima dhe 62 të plagosur, sipas mediave shtetërore kineze.
Tërmeti, i ndjerë deri në kryeqytetin e Nepalit, Katmandu, dhe në shtetin indian Bihar, ka shkaktuar dëme të mëdha në qarkun Dingri, ku rreth 62,000 njerëz janë prekur nga pasojat.
Pamjet nga rajoni tregojnë ndërtesa të shembura, rrugë të mbuluara me mbeturina dhe njerëz që përpiqen të shpëtojnë mes kaosit.
Mbi 1,000 shtëpi kanë pësuar dëmtime të ndryshme. Zonat më të prekura përfshijnë bashkitë Changsuo, Quluo dhe Cuoguo.
Presidenti Xi Jinping ka premtuar përpjekje të mëdha për ndihmë dhe ka urdhëruar dërgimin e tenda dhe batanije në zonat e goditura. Ndërkohë, autoritetet po vlerësojnë dëmet dhe nevojat emergjente.
Rajoni është i njohur për aktivitetin sizmik, por tërmeti i sotëm është më i fuqishmi i regjistruar në pesë vitet e fundit brenda një rrezeje prej 200 kilometrash.
Ngjarja ka rikthyer kujtimet e tërmetit shkatërrues të vitit 2015 në Nepal, ku humbën jetën rreth 9,000 njerëz.
Ndërsa lëkundjet pas tërmetit vazhdojnë, përpjekjet për shpëtim dhe ndihmë janë në kulmin e tyre, me qëllim minimizimin e humbjeve të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
