Një specialist i SHISH-it ka gjetur në pragun e derës së shtëpisë një qese me 7 fishekë. Ngjarja ka ndodhur të dielën në mëngjes në hyrje të apartamentit të Sh. N., me detyrë specialist i Sh.I.Sh.
Pas njoftimit, policia ka nisur hetimet.
Njoftimi i policisë
Më datë 28.05.2017, rreth orës 08:00, në rrugën “Jordan Misja”, në pragun e derës së apartamentit të shtetasit Sh. N., 47 vjeç, me detyrë specialist i Sh.I.Sh., është gjetur një qese e tejdukshme, ku brenda të cilës kishte 7 fishekë, të cilët u sekuestruan në cilësinë e provës materaiale. Punohet për identifikimin dhe kapjen e autorëve. Parashikuar nga Nenet 84 dhe 278 të Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
