Koreja e Veriut lëshoi dy raketa balistike me rreze të shkurtër veprimi nga bregu i saj perëndimor drejt Detit të Japonisë të martën, tha ushtria e Koresë së Jugut, një ditë pasi Koreja e Jugut dhe Shtetet e Bashkuara të Amerikës filluan një stërvitje ushtarake në shkallë të gjerë.
Raketat e lëshuara nga Jangyon në provincën Hwanghae midis orës 07:41 dhe 07:51 të mëngjesit, duke fluturuar rreth 620 kilometra, tha shefi i përbashkët i shtabit të Koresë së Jugut.
Lëshimet e fundit erdhën pasi Koreja e Veriut gjuajti dy raketa lundrimi nga një nëndetëse jashtë qytetit bregdetar lindor të Sinpo të dielën, sipas mediave shtetërore të Veriut.
Pheniani, i ka kritikuar stërvitjet ushtarake SHBA-Kore e Jugut si një “provë” për luftë dhe pushtim dhe kishte paralajmëruar kundër stërvitjes së fundit, me lëshimin e të paktën një rakete balistike me rreze të shkurtër veprimi nga qyteti perëndimor Nampo në drejtim të Detit të Verdhë të enjten.
Stërvitja 11-ditore e Mburojës së Lirisë, stërvitja e parë në shkallë të gjerë e pranverës në pesë vjet, ka për qëllim forcimin e aftësive të reagimit mes të kërcënimeve bërthamore dhe raketore të Koresë së Veriut, sipas ushtrive të Koresë së Jugut dhe SHBA.
Në Tokio, kryeministri japonez Fumio Kishida u tha gazetarëve se nuk kishte marrë raportime për ndonjë dëm në Japoni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
