Guvernatori i Karolinës së Jugut, Henry McMaster ka shpallur gjendjen e jashtëzakonshme në shtetin e tij për t’u përgatitur për ndikimet e mundshme nga uragani në Idalia.
Uragani Idalia u forcua mbi Gjirin e Meksikës dhe lëvizi drejt bregut të Gjirit të Floridës, duke bërë që autoritetet të urdhërojnë evakuimin e zonave të ulëta bregdetare që pritet të përmbyten nga stuhia e fuqishme të mërkurën.
Ndërkohë, autoritetet në Florida kanë urdhëruar banorët e bregut perëndimor të shtetit që të evakuojnë zonën përpara mbërritjes së uraganit Idalia, i cili pritet të forcohet më tej dhe të bëhet i rrezikshëm.
“Nëse ju thonë të largoheni, duhet ta bëni menjëherë,” tha guvernatori Ron DeSandis, në një konferencë për shtyp që dha, duke theksuar se ky uragan do të jetë “i madh”.
Uragani Idalia ka arritur fuqinë e kategorisë 3 me erëra maksimale të qëndrueshme prej 120 mph.
"Parashikohet forcim shtesë dhe Idalia parashikohet të bëhet një uragan i kategorisë 4 përpara se të arrijë në bregun Big Bend të Floridës këtë mëngjes," tha agjencia në një përditësim në orën 2 të mëngjesit ET .
Kjo do të thotë se Idalia ka të ngjarë të ketë erëra prej 130 mph ose më të larta kur të arrijë në tokë. Erërat e kategorisë 4 janë të afta për dëme katastrofike, duke shkatërruar shtëpi, duke shkaktuar ndërprerje të zgjatura të shërbimeve dhe duke i bërë disa zona të pabanueshme për javë të tëra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
