Ambasadorja ukrainase në SHBA, Oksana Markarova, sulmoi sot Rusinë për pushtimin e vendit të saj, duke thënë se është “një shtet terrorist i udhëhequr nga një kriminel lufte”.
“Të gjithë duhet të dalin para drejtësisë. Pra, mendoj se do të jetë e vështirë ta drejtojnë një shtet nga Haga”, shtoi ajo, duke iu referuar Gjykatës Ndërkombëtare Penale me vendndodhje në Holandë.
Markarova tha se forcat ruse po vrasin civilë, po vrasin fëmijë, po shkatërrojnë spitalet, infrastrukturën civile dhe shtëpitë e banimit.
“Është një akt krimineli lufte, prandaj ne kemi hapur një hetim në Ukrainë, prandaj Ukraina ka paraqitur të gjithë kërkesën në të gjitha gjykatat ndërkombëtare”.
"Dhe, po, Vladimir Putin, bashkë me rusët e tjerë përgjegjës, do të duhet të përfundojë në burg për këto krime lufte," tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
