Prej dy ditësh, një zjarr i përmasave të mëdha ka përfshirë landfillin e Bushatit në Shkodër, ku djegia e mbetjeve ka shkaktuar ndotje të konsiderueshme të ajrit.
Imeld Sokoli, anëtar i Këshillit Bashkiak në Shkodër tha përmes një lidhjeje të drejtpërdrejtë me studion e lajmeve të MCN Tv se ndotja mjedisore në Shkodër nga ky zjarr ka qenë 4 herë mbi normat e lejuara.
Duhet të bëhet ekspertizë sa më shpejt që të kemi zbardhje të këtij rasti. Nuk ka rëndësi nëse është aksidentale apo jo. Do e thellonte skandalin vënia e qëllimshme e zjarrit, por imapkti në ndotjen mjedisore është ai që ka rëndësi ku impakti në ndotjen mjedisore është ai që ka rëndësi. Niveli i ekspozimit të ndotjes është shumë i madh. Në qytetin e Shkodrës dhe jo në afërsi të zonës raportohet që cilësia e ajrit, ose normat kanë kaluar me 4 herë normat e lejuara të cilësisë së ajrit.
Ekspozimi ndaj ndotjes është shumë i lartë në këto zona. Dedektorët, apo matësit e cilësisë së ajrit raportojnë në oraret e vona të darkës një shifër 4 herë mbi normën e lejuar të cilësisë së ajrit.
Më tej Sokoli tha se landifllimi i Bushatrit është drejt mbushjes 100% të tij.
Edhe nga vjetërsia e këtij landfilli mund të themi që është drejt pikës së mbushjes 100% të tij.
Pyetjes se si mund të përmirësohet kjo situatë , Sokoli iu përgjigj:
Duhet të kishte një shërbim publik dhe jo shërbim i dhënë me koncesion. Mund të kishim një shërbim jo kaq të shtrenjtë sa është në kuadër të koncesionit. E dyta të fuste në përdorim politikat e ripërdorimit dhe riciklimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
