Lapardhaja: PD-ja e mbetur është produkt i berishizmit, duhet të shkëputet nga kjo retorikë

Anëtari i Partisë Demokratike Namir Lapardhaja deklaron se PD-ja duhet të shkëputet nga retorika e Berishizmit dhe të krijojë një alternativë të re.

Duke folur në emisionin “Arnautistan” në MCN TV Lapradhaja thotë se ky proces edhe me ndihmën amerikane është i vështirë dhe s’mund të kryhej nga Basha në kushte normale.

Duhet të pranojmë një fakt që PD e ngelur është produkt i Berishizmit, edhe ligjërimi i saj edhe narrativa e saj. Edhe sot që Berisha po goditet në filozofi, pjesë të PD-së vazhdojnë me të njëjtën retorikë. Ndërkohë që ajo duhet të shkëputet nga kjo retorikë dhe të krijojë një narrativë të re përtej Berishës. Sepse çfarë ka ndodhur pas 9 shtatorit. PD duhet ta tejkalojë Berishën dhe të krijojë një alternativë të re. Basha dhe PD nuk po shkëputen dot nga Berishizmi me ndihmën e amerikanëve, dhe ‘sulmet’ e NATO-s. Si mund të shkëputej në një situatë normale?! Vetë z.Basha është produkt i z.Berisha, vetë kjo PD është produkt i këtij njeriu. Kjo ndarje që po ndodh sot nuk është e lehtë, është e detyruar. PD duhet ta tejkalojë Berishën edhe si alternativë. Vetëm 92-shin ka qenë Berisha shumicë në këtë vend”, tha Lapradhaja.