Nëse UÇK-ja do të kishte vepruar në bazë të një plani kriminal për vrasjen, torturimin dhe abuzimin e civilëve, ajo nuk do të kishte pasur kurrë mbështetjen e SHBA-së, NATO-s dhe komunitetit kombëtar në tërësi. Kështu thuhet në një citim të dosjes parprake të mbrojtjes së ish-kryeministrit Hashim Thaçi.
"Vendimi i ZPS-së që ta paraqesë këtë çështje si ndërmarrje të përbashkët kriminale nënkupton se mbështetja ndërkombëtare e dhënë nga partnerët ndërkombëtarë të UÇK-së, si SHBA-ja, Britania, Franca, Italia dhe Gjermania, ishte mbështetje materiale për një plan kriminal për të kryer një sulm të gjerë dhe sistematik kundër një popullsie civile. Sigurisht, që nuk ishte. Nuk kishte asnjë plan të përbashkët kriminal të UÇK-së. Komuniteti ndërkombëtar nuk do ta kishte përkrahur kurrë”, thuhet në këtë dosje.
Avokati i Thaçit thekson se rasti i ZPS-së bazohet në një keqinterpretim të pjesshëm dhe selektiv të ngjarjeve në fjalë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
