Deputetët e PD-së i kanë kërkuar dorëheqjen ministres së Shëndetësisë, Albana Koçiu, në lidhje me skandalin e mjekëve te Onkologjiku.
Ndërkohë që ministrja mbante fjalën në foltoren e Kuvendit, deputetët demokratë goditën tavolinat, duke bërë thirrje për dorëheqje. Më herët deputetja Albana Vokshi u shpreh:
"Në këtë qeverisje të paktën tre ministra, Koçiu, Manja dhe Manastirliu duhet të ishin shkarkuar. Kanë qenë në dijeni të skandalit të onkologjikut dhe nuk kanë reaguar. Koka e korrupsionit janë këta tre ministra”.
Ministrja e dënoi sjelljen e mjekëve, duke u shprehur se ata do përballen me peshën e ligjit dhe atë morale. Ndër të tjera ajo paralajmëroi ndryshime në ligjin e Urdhrit të Mjekut, që do të bëhen prezente në Kuvend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
