Një gjykatë suedeze ka dënuar me 3 vjet e gjysmë burg një 57-vjeçar norvegjez, me akuzën e mashtrimit dhe falsifikimit të dokumenteve, pasi kishte mbajtur në frigorifer partneren e tij të vdekur, gjithashtu norvegjeze për të marrë pensionin e saj.
Gjykata e Qarkut Warmland tha se burri, emri i të cilit nuk u bë i ditur, u dënua, i akuzuar për shkelje të rënda të lirive civile, mashtrim të rëndë dhe falsifikim dokumentesh.
Burri u tha hetuesve se e vendosi gruan në një frigorifer pasi e gjeti të vdekur në shtëpinë e tyre. Të dy jetonin në Arjang, rreth 340 kilometra në perëndim të Stokholmit.
Sipas gjykatës, burri e kishte ruajtur trupin në frigorifer të cilin e përdorte edhe për të ruajtur ushqimet. Hetuesit gjetën trupin e gruas në frigorifer në mars, pas një sinjalizimi.
Burri u kishte thënë të afërmve dhe miqve se partnerja e tij ishte ende gjallë.
Në një deklaratë, gjykata tha se burri mbuloi vdekjen e gruas për të marrë pensionin e saj.
Sipas akuzës, burri ka kryer një mashtrim “sistematik” për afërsisht 1.3 milionë korona, rreth 109 mijë euro. Lidhur me falsifikimin e dokumenteve, sipas gjykatës, burri ka kryer ndryshime pronësie dhe regjistrime automjetesh në emër të të ndjerës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
