Kryeministri Edi Rama tha se nga muaji shkurt, në të gjithë vendin do të nisë aplikimi i recetës elektronike, një risi kjo që do të reduktojë korrupsionin në radhët e bluzve të bardha. Rama tha se receta elektronike do t’i japë fund përfitimit të mjekëve dhe famracistëve të korruptuar përmes recetave fiktive.
“Nuk diskutohet që edhe rritja e rrogave për mjekët, infermierët, ekipin e sanitarëve është një hap në këtë drejtim. Ashtu siç ka ende jo pak raste mes bluzave të bardha që njollosin të gjitha bluzat e bardha. Le të jemi të qartë, nuk janë njerëzit që korruptojnë sistemin, është sistemi që korrupton njerëzit. Nëse duam t’i shpëtojmë njerëzit, reformat duhet të jenë të thella. Receta elektronike shtë një sistem i ri që e bën të pamundur korrupsionin. Nuk do të kenë mundësi të shkruhen me dorë receta për ilaçe që nuk janë shitur kurrë e që ndahen mes farmacistëve dhe mjekëve të korruptuar”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
