Në Kinë, një rrëshqitje toke në provincën veriore të Hebei, e shkaktuar nga shirat e rrëmbyeshëm të cilët detyruan evakuimin e mijëra personave, ka shkaktuar katër të vdekur dhe tetë të zhdukur. Rrëshqitja e tokës ndodhi në qytetin Chengde.
Rajoni përreth kryeqytetit Pekin është goditur nga shira të rrëmbyeshëm dhe përmbytje për ditë të tëra, të cilat shkaktuan dy vdekje të shtunën. Në qarkun Fuping, 4600 persona u evakuuan gjatë fundjavës, dhe 3000 të tjerë në lagjen periferike të Miyun.
Në provincën fqinje Shanxi, një person u shpëtua dhe 13 të tjerë rezultojnë të zhdukur pas një aksidenti trafiku që përfshinte një autobus. Pamjet e transmetuara nga stacioni treguan rrugët e Shanxi-t dhe një fushë bujqësore të zhytur nga uji i rrëmbyeshëm.
Në kryeqytet, mbi 3000 persona në lagjen periferike të Miyun u evakuuan për shkak të shirave të rrëmbyeshëm. Rezervuari i zonës regjistroi hyrjen më të madhe që nga ndërtimi i tij më shumë se gjashtëdhjetë vjet më parë, sipas mediave shtetërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
