Lidhja Demokratike e Kosovës deklaroi mbrëmjen e sotme pas përfundimit të procesit të votimit se ka dyfishuar rezultatin e vitit 2021.
Zëdhënësi i LDK, Besian Mustafa deklaroi se, “LDK ka së paku dyfishim nga rezultati i zgjedhjeve të kaluara, pa llogaritur këtu edhe votat nga diaspora, ku presim rezultat të shkëlqyeshëm”.
Ndërkohë kreu i Aleancës për Ardhmërinë e Kosovës dhe kandidati për kryeministër nga koalicioni për Kosovën Fituese, Ramush Haradinaj, deklaroi se pritet rezultat dyshifror.
Ai u shpreh se qytetarët e Kosovës me kulturën e treguar gjatë procesit të votimit i kanë bërë krenarë.
Jemi të sigurt që kemi rezultat dyshifror, po presim për një orë për rezultatet. Ajo që më gëzon është fakti se opozita i ka fituar këto zgjedhje.
I uroj opozitës fitoren dhe pres me padurim të bashkëpunojmë për krijimin e qeverisë së opozitës në Kosovë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
