Lëvizja Zgjidhja e sheh tërheqjen e qeverisë nga ligji i importit të mbetjeve si një “taktikë djallëzore”. Kreu i Zgjidhjes, ish-deputeti Koço Kokëdhima, i njohur si një nga kundërshtarët e këtij ligji qëkur u propozua për herë të parë në kohën e qeverisë së Berishës, thotë se qytetarët duhet të përgatiten për “luftë” pasi, sipas tij, qeveria nuk ka ndërmend të tërhiqet nga ky ligj.
Në një reagim në Tëitter, Kokëdhima u shpreh: “Qeveria nuk ndahet nga plehrat. “Tërheqja” është taktikë djallëzore. Rilindja po na vret! Të përgatitemi për luftë!”.
Reagimi i Kokëdhimës erdhi pas diskutimeve në Komisionin Parlamentar të Aktiviteteve Prodhuese, ku propozuesi i ligjit, deputeti Eduart Shalsi, tha se qeveria është tërhequr, pas keqkuptimeve të krijuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
