DASH ka reaguar pasi Kosova ngriti aktakuzë lidhur me sulmin e armatosur të 24 shtatorit të Banjskë të Zveçanit. Në një prononcim të zëdhënësit të DASH për “Radion Evropa e Lirë” thuhet se Uashgtoni inkurajon respektimin e procesit gjyqësor dhe të sundimit të ligjit.
“Sa i përket aktakuzës së Kosovës, ne inkurajojmë për respektimin e procesit gjyqësor dhe të sundimit të ligjit dhe për durim, teksa ky rast i ndërlikuar procedohet në gjykata. SHBA-ja vazhdon të mbështesë fuqishëm sundimin e ligjit, drejtësinë e barabartë dhe qeverisjen e mirë në Kosovë”, tha një zëdhënësi i DASH-it për REL.
Po ashtu DASH pret që Beogradi të kërkojë përgjegjësi të plotë për personat e përfshirë në sulmin e 24 shtatorit. Kujtojmë që një grup i armatosur serb sulmoi Policinë e Kosovës në Veri duke vrarë rreshterin Afrim Bunjaku. Gjatë shkëmbimit të zjarrit u vranë edhe tre agresorë serbë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
