Siguria në rrezik, Macron zbulon “planin B” për hapjen e Lojërave Olimpike në Paris

100 ditë para hapjes së Lojërave Olimpike Paris 2024, Franca ka shpallur për herë të parë “planin B” në rast të rreziqeve të tepërta të sigurisë në ceremoninë e hapjes, të planifikuar në Seine.

Në rast të një “kërcënimi” sigurie, ceremonia e 26 korrikut do të “kufizohet në Trocadero” ose do të zhvillohet “në Stade de France”.

Presidenti Emmanuel Macron njoftoi se ekziston edhe një “plan C” për ceremoninë e hapjes, në rast të shqetësimeve të sigurisë për mbajtjen e saj.

Ne do të bëjmë një analizë në kohë reale të rreziqeve, burimet e inteligjencës do të mobilizohen dhe një perimetër sigurie do të vendoset ditë më parë.

Për muaj të tërë, autoritetet franceze kanë mohuar ekzistencën e një “plani B” në rast të rreziqeve të tepërta për ceremoninë në zemër të Parisit.

Presidenti francez tha gjithashtu se synonte një armëpushim olimpik gjatë Lojërave, si për luftën midis Rusisë dhe Ukrainës dhe për atë midis Izraelit dhe Hamasit.

“Ne do të punojmë për armëpushimin olimpik,” tha ai, duke njoftuar se do t’i kërkojë presidentit kinez, Xi Jinping, të cilin do ta takojë së shpejti, që ta “ndihmojë” për këtë çështje.

Macron shpjegoi gjithashtu pse atletët izraelitë do të jenë të pranishëm në Lojërat.

“Nuk mund të themi se Izraeli po sulmon”, tha Macron në një intervistë për Bfmtv.

Izraeli ishte viktimë e një sulmi terrorist dhe po përgjigjet. Izraeli nuk mund të thuhet se është agresor, ndryshe nga Rusia.