Anëtari demokrat i Këshillit Bashkiak Përrenjas, Leonard Ozuni, kundërshton ndryshimin e hartës territoriale, ku disa bashki shkrihen, mes tyre edhe Përrenjasi.
Duke folur për edicionin e lajmeve në MCN TV, ai tha se shkrirja e bashkisë Përrenjas është një vendim i nxituar dhe që bie ndesh me interesat e qytetarëve.
Sipas tij, nuk ka pasur asnjë konsultim me banorët lidhur me këtë vendim.
Besojmë në çdo reformë territoriale duhet të ketë në qendër interesin e qytetarëve dhe jo kriterin administrativ. Në rastin e Përrenjasit më duket vendim i nxituar dhe nuk merren parasysh nevojat e komunitetit.
Nuk ka pasur asnjë konsultim publik për këtë rast. Përrenjasi është i përbërë nga katër njësi, Përrenjasi si bashki është bërë me reformën e vitit 2015, dhe tre njësi, si çdo bashki ka problematikat e veta.
Të pasurit bashki në Përrenjas i shërben më shumë komunitetit se sa të qenit më larg. Në rast se kjo bashki shkrihet do e vështirësojë situatën e banorëve, se ndoshta dhe për një dokument apo vërtetim, do duhet të lëvizim me një orë, nëse bashkohemi me Librazhdin.
Shpenzohen orë të tëra, pagesat e transportit dhe vështirësohet e gjithë situata për shërbimet e qytetarëve.
Bashkia Përrenjas ka pasur borxhe të trashëguara nga mandatet e tjera, nuk e di si është situata aktualisht, sepse është e vështirë të bësh transparencë kur në krye ke kryetar mazhorance.
Gjysma e fondeve sigurohet nga të ardhurat që mblidhet dhe gjysma tjetër nga buxheti i shtetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
