Shembja e çatisë së një oborri ushqimor në një qendër tregtare në veriperëndim të Perusë ka vrarë gjashtë persona dhe ka plagosur të paktën 78 të tjerë.
Ministri peruan i Mbrojtjes Walter Astudillo tha në një konferencë për mediat se sipas informacionit të dhënë nga zjarrfikësit, pesë persona vdiqën në vend dhe një i gjashti në spital. Astudillo tha gjithashtu se 30 të lënduar kanë dalë nga spitali, ndërsa 48 mbeten të shtruar.
Prej tyre, tre mbeten në gjendje kritike.
Çatia e rëndë prej hekuri në qendrën tregtare Real Plaza Trujillo, një qytet në rajonin La Libertad, ra të premten në mbrëmje mbi dhjetëra persona që ndodheshin aty.
Kompleksi tregtar Real Plaza në Trujillo, qyteti i tretë më i madh në vend, ndodhet rreth 500 kilometra në veri të kryeqytetit Lima.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
