Fill pas humbjes së zgjedhjeve të 6 marsit, anëtari i PD së Pogradecit, Genti Çela, në shenjë revolte, ka marrë një vendim individual, duke grisur kartën e anëtarësisë.
Në një komunikim me edicionin e “MCN live”, Çela, shprehet se kjo është protestë ndaj humbjes së zgjedhjeve dhe faktit se nuk mund të mbajë më teserën e PD-së që mban firmën e Lulzim Bashës, i cili sipas tij, ka shitur çdo kauzë të demokratëve.
Gjithë ky reagim është si pasojë e prurjes së Bashës në politike dhe fajtor për këtë është Berisha, është revoltë ndaj lidershipit. Ai ka treguar që në çdo akt shkakton revoltë nga demokratët.
I qëndroj aktit të grisjes së teserës së PD që mban firmën e Lulzim Bashës. Nuk mund të mbaj dot teserën me firmën e Bashës, për të cilin skam dyshim që ka shitur çdo kauzë të demokratëve. Nuk do të jem më aktivist që mbështet Bashën,
Anëtari i PD-së në Pogradec, është i bindur se Basha si i humburi i gjashtë zgjedhjeve, nuk i ka humbur garat, siç pretendon ai, porse sipas Çelës, Basha i ka shitur vet ato.
Jam i bindur se përsa kohë Basha është aty, PD s’do të jetë as e treta por në çdo zgjedhje do të ketë humbje akoma më të madhe se kjo e 6 marsit. Unë jam i habitur me ata që janë të habitur, sepse rezultati pritej, por jam i dëshpëruar.
Ne pamë Berishën si mundësi për të larguar Bashën nga aty. Basha lundron në botën areale, duke thënë që mua më mbështesin mbi 90 përqind e anëtarësisë, por duke pritur ti kthehet ai realitetit, jam i bindur se ai nuk na përfaqëson më për 1001 arsye.
Të gjithë atë të pranishëm dje e dinë më së miri se ai sdo të jetë kurrë kryeministër dhe se ai s’ka humbur asnjë garë, ai i ka shitur të gjitha për të përfituar vila dhe të humburit në këtë rast janë shqiptarët, posaçërisht demokratët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
