Ministria franceze e Mbrojtjes ka mohuar praninë e ushtarëve francezë në Ukrainë, siç dyshohet se zbulohet në dokumentet që i atribuohen Pentagonit dhe që u zbuluan në rrjetet ruse gjatë javës.
Një zëdhënës i Ministrit të Forcave të Armatosura, Sebastien Lecornu tha se:
Nuk ka forca franceze të përfshira në operacion në Ukrainë. Dokumentet e cituara nuk vijnë nga ushtritë franceze. Ne nuk komentojmë dokumente, burimi i të cilave është i paqartë.
Dokumentet tepër sekrete të Pentagonit, që thuhet se përmbajnë tabela dhe detaje në lidhje me dërgesat e parashikuara të armëve, forcat e batalionit dhe informacione të tjera të ndjeshme, u përhapën në Twitter dhe Telegram javën e kaluar.
Një rrjedhje dokumentash sugjeronte se një kontigjent i vogël prej më pak se 100 personel të operacioneve speciale nga anëtarët e NATO-s, Franca, Amerika, Britania dhe Letonia ishin tashmë aktivë në Ukrainë.
Nga ana e tij Kievi ka thënë se dosjet e zbuluara përmbajnë informacion fiktiv.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
