Rusia deklaroi sot se një avion i saj luftarak kapi një dron amerikan Reaper i cili po i afrohej asaj që Moska thotë se ishte pranë kufirit të saj në Detin e Zi.
Ministria e Mbrojtjes njoftoi përmes Telegramit se një avion luftarak Su-30 u ngrit për të kapur “objektivin ajror që i afrohej kufirit të shtetit rus”.
Ekuipazhi përcaktoi se bëhet fjalë për një dron zbulues i Forcave Ajrore të SHBA MQ-9A Reaper.
Kur u afrua avioni rus, zbuluesi bëri një kthesë 180 gradë dhe u largua nga kufiri, shtohet në deklaratë.
Avioni luftarak rus u kthye në bazën e tij pa incidente.
Incidente të tilla me avionë rusë dhe perëndimorë nuk janë të rralla kohët e fundit, qoftë në Detin e Zi apo në Balltik.
Në qershor, Moska raportoi se kishte përgjuar tre avionë britanikë në mënyrë të ngjashme.
Avionët francezë, gjermanë dhe polakë janë përfshirë gjithashtu në incidente të ngjashme muajt e fundit. Në prill, një aeroplan zbulues amerikan Reaper u rrëzua në Detin e Zi pas një manovre të luftëtarëve rusë, duke përshkallëzuar tensionet midis Uashingtonit dhe Moskës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
