Prokuroria e Posaçme Anti-Korrupsion (SPAK) do të nisë hetimet për pesë gratë e riatdhesuara në Shqipëri nga kampi sirian “Al-Hol”.
Sipas informacioneve zyrtare nga SPAK-u, gratë do të merren në pyetje këto ditë.
“Prokurorë të strukturës antikorrupsion do shkojnë në qendrën e posaçme në Durrës për t’i marrë ato në pyetje”.
Përmes marrjes në pyetje, SPAK-u do të verifikojë udhëtimin e tyre nga Shqipëria në drejtim të Sirisë.
Gjithashtu do kërkohet informacion për rekrutuesit, financuesit dhe personat që i kanë ndihmuar ato të kalojnë nga Shqipëria në Turqi me destinacion final Sirinë.
Pjesë e hetimit do të jenë dhe personat që i rekrutuan dhe financuan shqiptarët që shkuan për të luftuar për Shtetin Islamik në Siri.
Personat që janë vënë nën vëzhgim janë: Brunilda Koçollari, Emanuela Vladi, Ruzhdije Balliu, Lavdie Kaca dhe Klotilda Zani.
Bashkë me 19 të rikthyerit në operacionin e fundit shkon në 25 numri i shqiptarëve të riatdhesuar nga kampet e ferrit në Siri, Roj e Al hol. Tanimë në Al Hol kanë mbetur edhe rreth 30 të tjerë, të cilët nuk janë identifikuar ende.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
