Një aksident ka ndodhur pak minuta më parë në aksin Përmet-Këlcyrë, në afërsi të kthesës së Kosinës, kur automjeti tip FORD, i drejtuar nga S. Alushaj, ka dalë nga rruga teksa po lëvizte nga Përmeti drejt fshatit Kosinë, ku edhe banon drejtuesi i mjetit.
Sipas konstatimeve të para, automjeti ka rrëshqitur dhe ka përfunduar në një fushë aty pranë. Në vendngjarje kanë mbërritur forcat policore dhe ndihma e shpejtë. I lënduari është transportuar në Spitalin e Gjirokastrës me dëmtime kryesisht në gjymtyrë, por jashtë rrezikut për jetën.
Sipas vlerësimeve paraprake, shkaku i aksidentit mendohet të ketë qenë terreni i rrëshqitshëm si pasojë e reshjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
