Kryetari i Partisë Demokratike Sali Berisha, del me reagim lidhur me tërmetin në Turqi, teksa ditën e sotme qeveria e ka shpallur ditë zie, duke kritikuar qeverinë se ndihma e dhënë nuk ishte në lartësinë e duhur.
Berisha flet për tërmet me pasoja kataklizmike dhe se tërmeti që godit Turqinë qendrore dhe Sirinë verilindore ishte një kataklizëm e vërtetë.
Me anë të një mesazhi në rrjetet sociale Berisha shton se numri i viktimave të këtij tërmeti arriti në të paktën 31.600 të dielën dhe numri i të plagosurve është shumë më i madh.
Ky ishte tërmeti më vdekjeprurës për Turqinë, që nga viti 1939. Edhe dje, pas 6 ditësh, ekipet e kërkim-shpëtimit kanë nxjerrë nga rrënojat disa të mbijetuar.
Ndihma të mëdha kanë shkuar nga e gjithë bota. Ndonëse Shqipëria dërgoi ekip kërkim-shpëtimi dhe ndihma në Turqi, këto nuk ishin në lartësinë e duhur dhe në detyrimin tonë ndaj një vendi fqinj dhe mik.
Dhe njëherë shpreh ngushëllimet e mia më të ndjera familjeve të viktimave të këtij tërmeti kataklizmik dhe lutem për shërimin e shpejtë të të plagosurve.
Gjithashtu kërkoj shtimin e ndihmave të Shqipërisë për kapërcimin e pasojave të tmerrshme të tërmetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
