Një fustan mbrëmjeje i veshur nga Lady Diana në vitin 1985 në Firence, Itali, për një darkë të organizuar nga kryebashkiaku i atëhershëm Lando Conti u shit në ankand për 1.15 milionë dollarë, një rekord për një veshje që i përkiste princeshës së ndjerë.
Fustani, me fundin e balerinës dhe bustin e zbukuruar me yje blu në sfond të zi, është krijuar nga stilisti anglo-maroken Jacques Azagury.
“Një mishërim i elegancës mbretërore dhe hirit të përjetshëm të Dianës”, tha shtëpia e ankandit Julien’s e cila u mor me shitjen, që u mbyll me të ardhura njëmbëdhjetë herë më të larta se vlerësimi fillestar.
Pas Firences, ku kishte kaluar tre ditë me bashkëshortin e saj të atëhershëm Charles si mysafir i Sir Harold Acton në Villa La Pietra, Diana veshi të njëjtin fustan në një koncert të Orkestrës Simfonike të Vankuverit një vit më vonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
