Ulja e menjëhershme e temperaturave dhe kushtet e motit, për qytetarët e Kosovës nuk janë bërë aspak pengesë në këtë fundjavë.
Kolonat e mjeteve dhe fluksi në Morinë është thuajse i njëjtë me fundjavën e kaluar.
Më shumë se 7 mijë qytetarë të Kosovës, në orët e paradites kaluan kufirin, ndërsa destinacioni i tyre mbetet bregdeti.
Shumë prej tyre janë me pushime të shkurtra ditore apo fundjavë, por ka edhe nga ata që preferojnë pikërisht javën apo dhjetë ditëshin e fundit të shtatorit si kohë e përshtatshme për plazh.
Policia kufitare në Morinë vijon të aplikojë proceduren e përshpejtuar për shmangien e radhëve të gjata e qëndrimet e panevojshme në kufi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
