Një person plagoset me thikë vijon përkeqësimi i situatës më refugjatët në Greqi ku në kampin në Diavata të Selanikut ka plasur ‘lufta’ midis grupeve të refugjatëve mbrëmjen e kaluar.
Kampi i refugjatëve në Selanik u përfshi nga revoltat. Një person u plagos me thikë dhe dhjetra të tjerë morën lëndime të lehta, pasi grupet rivale nisën të qëllonin njëri-tjetrin me gurë.
Ndërkohë shumë nga emigrantët, që ende nuk janë regjistruar, u mblodhën në sheshin kryesor të Selanikut për të kërkuar përshpejtimin e procedurave për të fituar lejen e qëndrimit.
Mediat lokale raportojnë se refugjatët po provokonin të arrestoheshin nga policia, si e vetmja mënyrë për t’u regjistruar si azilkërkues.
Kështu dhjetëra emigrantë dhe refugjatë kaluan natën në sheshin "Aristoteli" të Selanikut dhe vazhdojnë të qëndrojnë edhe sot.
Ndërkohë sot në mëngjes policia e Selanikut arrestoi dy trafikantë dhe 7 emigrantë të paligjshëm nga Pakistani. Gjatë arrestimit pati edhe shkëmbim zjarri.
Situata në kampin e refugjatëve të ish kampit Anagnostopoulou në Diavata, në Selanik, ka dalë nga kontrolli ditët e fundi.
Revoltat në kampet e refugjatëve erdhën pas investigimeve në media për shpërdorimin e fondeve të Bashkimit Europian. Gazetarët denoncuan qeverinë greke se ka abuzuar me fondin prej afro 1.6 miliardë euro, duke sjellë pamje çnjerëzore të kampeve në Greqi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
