Zëdhënësi i BE-së Politikë të Jashtme dhe Siguri, Peter Stano, tha se më 27 shkurt është planifikuar të mbahet takimi Kosovë-Serbi lidhur me dinarin.
“Përfaqësuesi i Lartë, Borrell pati takime me presidentin Vuçiç dhe kryeministrin Kurti në Munih javën e shkuar ku u diskutua kjo çështje. Si vazhdimësi e këtyre takimeve i dërguari i posaçëm Lajçak i ftoi dy palët që të vinë në Bruksel më 27 shkurt. Zakonisht ne nuk i komentojmë korrespondencat me partnerët tanë, por ftesa nga i dërguari i posaçëm Lajçak nuk kishte specifikuar se kush duhet të përfaqësojë Kosovën dhe kush Serbinë, sepse kjo i ishte lënë palëve të vendosin” ka thënë Stano.
“Ne shpresojmë se zoti Bislimi do të vlerësojë përpjekjet, në vend, që në mënyrë të pabazë të akuzojë zyrtarë të BE-së. Një sjellje e tillë është e papranueshme”, u shpreh ai.
Stano tha se BE e konsideron sjelljen e Kosovës jo konstruktive, që e largon nga perspektiva e integrimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
