“Voto” ishte fjala më e përmendur nga ish-zonja e Parë Michelle Obama gjatë fjalimit në konventë.
Por ndjekësit, kryesisht femrat, vunu re detajin në varësen e Michelle dhe u dashuruan pas aksesorit së zonjës Obama, duke e postuar atë në çdo rrjet të mundshëm në internet.
Dizenjuesja e varëses thotë se ka mbetur pa fjalë: “Kjo është dita më emocionuese që kam pasur ndonjëherë”.
Vajza nga Los Anxhelos thotë se brenda 24 orëve iu desh të shtonte stafin nga kërkesat e shumta. Kritikët e modës e quajtën menjëherë varësen me 4 gërma si aksesorin e vitit 2020.
Stilisti i Michelle Obama e kishte zgjedhur aksesorin disa javë më parë, por Chari nuk e dinte se kur do ta vendoste. Fill pas shfaqjes në konventë, nisën porositë: “Nisa të qaja. U ula e emocionuar në tryezën e punës dhe kam qarë për gati 5 minuta nga gëzimi”.
Disa të tjerë kanë qarë nga çmimi: 430 dollarë. Por, në internet e gjen lehtësisht, jo në flori, për 40 apo më pak dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
