Google ka hequr rreth 600 aplikacione nga dyqani i tij virtual për shkak të reklamave të bezdisshme. Kompania e bën të njohur faktin në një postim. Në përgjithësi, aplikacionet janë instaluar 4,5 miliardë herë.
Reklamat e bezdisshme janë ato që u shfaqen përdoruesve në mënyra të papritura, dhe që ndërhyjnë ose edhe komprometojnë përdorimin e funksioneve të smartphone. Midis këtyre njoftimeve, shpjegon Google, ka nga ato "jashtë kontekstit", të cilat zhvilluesit me qëllim të keq tregojnë kur përdoruesi nuk po përdor aplikacionet e tij.
Kompania njofton se ajo ka zhvilluar një qasje të re dhe ka eliminuar 600 aplikacione, njofton Ansa.
Mashtrimi i reklamave në celular "është një sfidë dhe ka potencialin për të dëmtuar përdoruesit, reklamuesit dhe botuesit. Si pjesë e kësaj beteje, ne ndërmarrim veprime kundër atyre që krijojnë aplikacione në dukje të pafajshëm, por që në të vërtetë shkelin politikat tona të reklamave", shkruan Google.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
