Presidenti amerikan, Joe Biden dhe homologu ukrainas, Volodymyr Zelensky kanë nënshkruar marrëveshjen e sigurisë mes SHBA-së dhe Ukrainës.
“Sot, Shtetet e Bashkuara dërgojnë një sinjal të fortë të mbështetjes sonë të palëkundur për Ukrainën,” njoftoi administrata amerikane në një deklaratë pas ceremonisë së nënshkrimit në margjinat e takimit të G7 në Itali.
Zelensky tha se sot është një ditë historike dhe se marrëveshja është “për sigurinë dhe rrjedhimisht, për mbrojtjen e jetës njerëzore”.
Ai u shpreh se kjo marrëveshje është më e forta që nga pavarësia e Ukrainës, ndërsa falënderoi Joe Biden për mbështetjen.
“Jam krenar për njerëzit tanë dhe për atë që mund të bëjë Ukraina. Dhe unë jam shumë mirënjohës për të gjithë amerikanët, për të gjithë në Amerikë, që theksojnë lidershipin amerikan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
