Koalicioni “Bashke Fitojmë” i opozitës ankimon në Komisionin Qendror të Zgjedhjeve rezultatin e zgjedhjeve te të pjesshme të 4 gushtit për zgjedhjen e kryebashkiakut të Himarës.
Në shkresë kërkohet shpallja e pavlefshmërisë së zgjedhjeve në të 36 Qendrat e Votimit.
Kandidati i Partisë Socialiste, Vangjel Tavo, fitoi mbi 1400 vota më shumë se kundërshtari i tij, Petro Gjikuria.
Opozita pretendoi se gjatë zgjedhjeve nuk u lejuan të votojnë personat që u kishin skaduar kartat e identitetit, duke akuzuar se socialistëve ua kishin rinovuar brenda 24 orëve, si dhe kishin transferuar në Himarë zgjedhës që nuk i përkisnin kësaj bashkie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
